இலக்கியப் புழு

இலக்கியவாதியாக
என்னவாக வேண்டுமென
முதல் புழுவிடம்
கேட்டது இரண்டாவது

நீ பிறந்த இடம்
நீ பிறந்த குலம்
நீ பெண்ணெடுத்த
அல்லது பிள்ளையெடுத்த இனம்
நீ வாழும் வீதி
எல்லாம் கொண்டு
நிர்ணயிப்போம்
நீ இலக்கியவாதியாவென

முதன்மையாய்
நீ முகநூலில் இருத்தல் அவசியம்

உன்னைப் பற்றி
உன் இனமானவன்
உன்னைப் போற்றி
வெளிக்கொணர்தல்
அதைவிட அவசியம்
என்றது
முதல் புழு

இலக்கியமென்பது
இதில் எங்கு வருகிறது
மீண்டும் வினவியது
இரண்டாவது புழு

இது மட்டுமே
இலக்கியமெனச் சொல்லி
தடியூன்றி நடந்துச் சென்றது
முதல் புழு